Luiziana hukumati SpaceX bilan optik tolali aloqa tarmog‘ini yotqizish texnik jihatdan qiyin yoki iqtisodiy jihatdan maqsadga muvofiq bo‘lmagan hududlardagi 10 635 ta obyektni Starlink’ka ulash bo‘yicha kelishuvga erishdi.
Loyiha AQSh shtatining 50 dan ortiq okrugini qamrab oladi. Ulanishlarni 2026 yil yozining oxirigacha yakunlash rejalashtirilgan.
Sun’iy yo‘ldosh tarmog‘i keng polosali internet qamrovini kengaytirish dasturini to‘ldiradi. Manzillarning asosiy qismini — qariyb 98–99 foizini — an’anaviy optik tolali aloqa bilan ta’minlash, Starlink’dan esa qolgan olis nuqtalarda foydalanish ko‘zda tutilgan.
Ulangan obyektlar uchun yuklab olish tezligi kamida 100 Mbit/s, ma’lumot uzatish tezligi esa kamida 20 Mbit/s bo‘lishi aytilmoqda. Bu ko‘rsatkichlar masofaviy ta’lim, telemeditsina va boshqa raqamli xizmatlardan foydalanish uchun mo‘ljallangan.
Sun’iy yo‘ldosh yechimini tanlashda Starlink’dan tabiiy ofatlar oqibatlarini bartaraf etish vaqtida foydalanish tajribasi ham hisobga olingan. Tizim yer usti infratuzilmasi shikastlangan yoki mavjud bo‘lmagan joylarda aloqani saqlab turishi mumkin.
Ishlar AQShning yetarli darajada xizmat ko‘rsatilmayotgan hududlarida tezkor internet qamrovini kengaytirishga qaratilgan Broadband Equity, Access and Deployment federal dasturi doirasida amalga oshirilmoqda.
