SpaceX Starship’ning 13-sinov parvozini yakunladi: kema va tezlatkich rejalashtirilgan boshqariladigan suvga qo‘nishni amalga oshirdi, deya xabar berdi CNN.
Starship’ning yuqori bosqichi Hind okeaniga qo‘ndi. Uchirilgandan taxminan ikki daqiqa o‘tib ajralgan Super Heavy tezlatkichi Meksika ko‘rfazidagi manevrni yakunladi.
Parvoz davomida kema 20 ta sinov Starlink V3 sun’iy yo‘ldoshini chiqardi. Keyinroq SpaceX mutaxassislar barcha apparatlar bilan aloqa o‘rnatganini tasdiqladi.
Sun’iy yo‘ldoshlar orbitada uzoq ishlash uchun mo‘ljallanmagan edi: ular suborbital trayektoriya bo‘ylab harakatlanib, chiqarilgandan taxminan 20 daqiqa o‘tib atmosferada yonib ketdi.
Flight 13 Starship V3 versiyasining ikkinchi sinovi bo‘ldi. Ushbu modifikatsiyaning may oyidagi avvalgi parvozi dvigatellarning ketma-ket o‘chishi sabab hisoblangan trayektoriyadan pastroq o‘tgan edi.
Bu uchirish bir hafta oldingi bekor qilingan urinish va ob-havo sababli kechiktirishdan keyin amalga oshirildi. Yakunlangan parvoz sun’iy yo‘ldoshlarni chiqarish, dvigatelni qayta ishga tushirish va ikki bosqichni boshqarib qaytarishni tekshirish imkonini berdi.
