Davlat tibbiyot muassasalarida kamida 15 yil ishlagan tibbiyot va farmatsevtika xodimlari uy-joy subsidiyasi uchun onlayn ariza topshirishi mumkin.
Davlat ipoteka bo‘yicha boshlang‘ich badalning bir qismini qoplaydi. Arizalar my.gov.uz Yagona interaktiv davlat xizmatlari portali va MyGov mobil ilovasi orqali qabul qilinadi.
Nomzod uchta asosiy shartga javob berishi kerak:
- davlat tibbiyot muassasasida kamida 15 yil ishlagan bo‘lishi;
- birlamchi bozordan kvartira tanlashi;
- belgilangan talablar bo‘yicha avtomatik onlayn tekshiruvdan o‘tishi.
Uy-joyni ish yoki doimiy ro‘yxatdan o‘tgan hududdan sotib olish shart emas: ishtirokchi O‘zbekistonning istalgan hududidagi yangi qurilgan uyni tanlashi mumkin.
Har chorakda tekshiruvdan o‘tgan arizachilar orasidan dastur tasodifiy usulda 125 nafar subsidiya oluvchini aniqlaydi. Tanlov avtomatik o‘tkaziladi.
Xizmat to‘liq onlayn ishlaydi va idoralarga shaxsan borish talab etilmaydi. Ariza yuborilgach, tizim ma’lumotlarni tekshiradi va shartlarga mos nomzodlarni choraklik tanlovga qo‘shadi.
