Xatlov davomida Qo‘qon davlat muzey-qo‘riqxonasi va uning filiallarida 500 ga yaqin ashyo yo‘qligi aniqlanganini O‘zbekiston Madaniy meros agentligi ma’lum qildi.
Tekshiruv muzey-qo‘riqxonaning asosiy fondi hamda uning filiallarini, jumladan G‘afur G‘ulom adabiyot muzeyini qamrab oldi.
Sirdaryo viloyati tarixi va madaniyati muzeyida esa xatlov paytida yana 16 ta ashyo yo‘qligi qayd etildi.
Xatlov natijalari bo‘yicha materiallar huquqiy baho berish va tegishli choralarni ko‘rish uchun prokuratura organlariga yuborildi.
Xatlov Prezidentning PP-261-son qarori hamda Vazirlar Mahkamasi va Bosh prokuraturaning 2022-yil 16-iyuldagi 65-son qo‘shma protokoli ijrosi doirasida bosqichma-bosqich o‘tkazilmoqda.
